Khliehriat, Nailar 06
Ka Rymbai Pohskur SC, Musniang Rim SC ki la khur jingjop katba ka Suchen Rim SC bad Wahsarang SC ki la ïakhaid ha ka lympung ïalehkai 3rd Division Football Tournament ba la pynïaid da ka East Jaiñtia Hills District Football Association ha ka sngi Palei ha madan artificial turf Diengshynrum.
Ha ka jingïalehkai kaba nyngkong, ka Rymbai Pohskur SC ka la jop da 3-0 kol ïa ka Mookympat SSCC. Ïa kine la thep da u Dakner Dkhar ha ka minit 39, kumjuh u Sanhame Bareh (42) bad Rap Dkhar (80+2).
Ha ka jingïakhun kaba bud hapdeng ka Suchen Rim SC bad Wahsarang SC ki la ïakhaid mar 2-2 kol. Ïa ki kol na ka bynta ka Suchen Rim la thep da u Baaijingkmen Suchen ha ka minit kaba 22 & 50, katba ïa ka Wahsarang la thep da u Shawas Dkhar (10) bad Lukas Tlang (80+1).
Haba phai sha kawei pat jingïalehkai, ka Musniang Rim SC ka la pynliem noh ïa ka Umlong SSCC da 2-1 kol. Ïa kine la thep da u Lucky Talang ha ka minit kaba 26 bad u Lamphrang Dkhar (75) katba ka Umlong ka la pynphai kylla shi kol lyngba u Ezekhiel Dhar (56).
