Jowai, Nailar 06
Ka West Jaiñtia District Badminton ka la pynbna ban pynlong ïa ka District Open Badminton Tournament 2026 naduh 12 haduh 14 tarik mynta u bnai ha Kiang Nangbah Indoor Stadium kaba ha Ladthadlaboh Dongmihsngi, Jowai.
Na ka bynta ka kyrdan ïalehkai Under-13, Under-15, Under-17 bad Under-19 jong ki khynnah shynrang bad kynthei, ka bai rung kan long T.300/- ha ka jingïalehkai Singles bad T.500/- ha ka Double. Ha ka Open, ka bai rung ka long T.500/- ha ka Singles bad T.1000/- ha ka Doubles.
Katba na ka bynta ka kyrdan ïalehkai jong ki Veteran kiba 35-55 snem shaneng kiba na ka bynta ka West Jaiñtia bad East Jaiñtia, ka bai rung ka long T.500/- ha ka Singles bad T.1000/- ha ka Doubles. Ka tarik khatduh ban pdiang kan long ha ka 10 tarik mynta u bnai. Ïa ki jingtip kiba bniah lah ban phone ha ki number 7005670162, 7085452889 & 9612167214.
