Shillong, Nailar 07
Ka Shillong Commerce College kan rakhe ïa ka Diamond Jubilee da kaba pynlong ïa ka jingïakop mareh 10K Run ha ka 22 tarik u Nailar (August), 2026 ha nongbah Shillong.
Haba ïakren sha ki lad pathai khubor ha Shillong Press Club mynta ka sngi Thohdieng u nonghikai ka Shillong Commerce College u bah Pynjopthiaw Nongrum u la ïathuh ba ïa ka Shillong Commerce Collge la seng ïa ka ha u Snem 1967 bad ka jingthmu ban seng ïa kane ka College ka long ban kyntiew ïa ka pule ka puthi bad ha ka jingïaid lynti ka College ka ïakynduh shibun ki at ki them jong ka College hynrei katba dang ïaid ki snem ki sngi ki samla ki wan ban pule bad phai khmat ha ka subject commerce bad ka phang jong kane ka jubilee ka dei ” ka pateng ne ka juk jong ka jingnang jingstad, Ka jingpynkupbor ia ka lawei”.
Ha kane ka jingïakop mareh thong ka don lai kyrdan kata kiba hapoh 6 snem ka rta shapoh, ba 16 snem shajrong bad ba 50 snem ka rta sha jrong. Ka don ruh ka song pisa na ka bynta ka 1st prize ka dei 10 hajar tyngka, 2nd Prize ka dei 7,500 tyngka bad 3rd prize ka dei 5 hajar tyngka.
Kane ka jingïakop ka plie lad ïa baroh ban ïashim bynta, bad ka kolej ka khmih lynti ïa ka jingïashim bynta kaba shitrhem na ki paidbah.
Ki nongshim bynta ki lah ban pynrung kyrteng lyngba ka online da kaba leit sha ka website jong ka Shillong Commerce College.
Ka jingïamareh 10K kan sdang na Shillong Commerce College bad kan ïaid lyngba ka St. Mary’s College,Laitumkhrah, Fire Brigade, Dhankheti, Barik Point bad Anjalee Cinema Hall, bad leit phai biang sha Shillong Commerce College.
