Khliehriat, Nailar 07
Ka lympung ïalehkai 3rd Division Football Tournament ba la pynïaid da ka East Jaintia Hills District Football Association ha madan artificial turf Diengshynrum, ha ka 07 tarik Nailar, ki jingïalehkai ha baroh lai ki jingïakhun kila kut da ka jingïakhaid.
Ha ka jingïalehkai kaba nyngkong hadpeng ka Mynkre SC bad Moopynien SSWO ka jingïalehkai kala kut da mar 1-1 kol.
Ïa ka kol jong ka Mynkre SC la thep da u Jenson Bareh haka minit 17, katba Moopynien SSWO kala lah ban pynphai lyngba u Ha i meshwa Siangshai ha ka minit 70.
Ka jingïalehkai kaba bud, hadpeng ka Pamrapaithlu SCSC bad Pynurkba Christian SC ka la kut da mar 2-2 kol.
Ïa ki kol jong ka Pamrapaithlu SCSC la thep da u Ronsing Shylla 27 bad Shandame Siangshai 58, katba ïa ki kol jong ka Pynurkba Christian SC la thep da u Eveningson Syih 44 bad Emile Yoratefull Rymbai 48.
Katba ka jingïalehkai hapdeng ka Moolang SC bad Rymbai SYWO kala kut khlem da don mano mano ba lah ban pynkhih ïa ka jar kol.
