Guwahati, Nailar:
U Myntri Rangbah jong ka jylla Assam u Himanta Biswa Sarma ha ki khyndiat sngi jong ka taïew ba la lah, u la bthah ba ki bor ba dei khmih ki la dei ban jurip bniah ïa ki jaka bad ki distrik kiba la shah pynpaw kyrteng ba ki lah ban shah ktah na ka jingrang tyrkhong.
Ha kane ka por ba ka jylla ka dang mad jingeh na ka jingshlei um, u Myntri Rangbah u la kyntu ïa ki bor ba dei khmih, ba kin leit jurip sha kito ki jaka kiba lah ban ïakynduh jingeh na ka jingrang tyrkhong bad ïaleh katba lah ban pyllang ïa ka um ha ka rukom kaba kyrpang khnang ba kin lait na ka jingkyrduh um.
Kaba hakhmat eh, kaba u la kyntu, ka long ba ki distrik kiba la shah pynbna hashwa ba kin sa shah ktah na ka jingrang tyrkhong ki dei ban ïaleh kaba lah ban pynneh pynsah bad ban sumar ïa ki tyllong umbam umdih khnang ban lait na kino kino ki jingeh.
Na ka liang ki bor sorkar ki la buh hakhmat eh ha kaba ïadei bad ka jingpyntreikam ban pynbiang um sha ki jaka kiba lah ban shah ktah na ka jingrang tyrkhong ha kine ki bnai ban wan ynda la duna ka jinghap slap.
U Sarma u la ong ba don katto katne tylli ki distrik ki ban sa shah ktah na ka jingrang tyrkhong namar ka jingïoh duna ïa u slap ha kane ka aïom.
U Sarma, hadien ka jingïalang jong ka kynhun myntri, u la pyntip sha ki lad pathai khubor ba ka sorkar jylla ka la ai ïa ka jingmynjur ha ka nongrim ban pyntip sha ki jaka kiba shah ktah na ka jingrang tyrkhong.
Ïa ka jingpynbna ba khatduh yn pynmih da ka tnad Revenue hadien ba la dep ban bishar bniah.
Haba kdew shai ïa ki jingtip ba la ïoh na ka India Meteorological Department bad ka Central Ground peit mariang jong ka ri India bad na ka Central Ground Water Board, u Myntri Rangbah u la ong ba kine ki distrik ki la sakhi ïa ka jingduna slap kumba 40 percent eiei.
Katkum ka jingmih, la ong ba ki nongrep kiba don ïa ka Insurance hapoh ka Pradhan Mantri Fasal Bima Yojana kin ïoh ïa ka jingsiew na ka bynta ki jinglutksan.
Shuh shuh u la maham ba lada kane ka jingrang tyrkhong kaba mynta kan bteng haduh u bnai Naitung bad Nailar, kiwei pat ki thaiñ jong ka jylla ruh ki la ïohmad ïa kum kine ki jingeh, ha kaba ka la ktah jur ïa u kba ha une u snem.
Kumba la sakhi, la ong ba ka jingshlei um ka la ktah bha ïa ka jylla bad ka jingpynkhreh mynta ka long ryngkat ban ïakhun pat ïa ka jingshah ktah kiba bun ki distrik, na ka jingtyrkhong um.
