Shillong, Nailar 11
Ka Ri Bhoi District Sports Association (RBDSA) kan pynlong ïa ka prokram jied nongïalehkai ne ka trials ha ka 13 bad 14 tarik mynta u bnai ha madan Marngar.
Kane ka jingjied nongïalehkai ka long na ka bynta ka lympung ïalehkai ba la tip kum ka Meghalaya State Senior Athletic Championship 2026, ka ban sa long shen ha ka nongbah Shillong.
Te kumta katkum ka kyrwoh ba la pyllait da u General Secretary Bah D. Ryntathiang, la kyntu ïa ki nongïalehkai ba kin wan ai jingtip ha ka por 8 baje mynstep ha katei ka madan.
