Mawkyrwat, Nailar 12
Ka Nonglang Sports Club ha ka sngi Balang ka la sdang ïa ka lympung ïalehkai phutbol ba tip kum ka Nonglang Super League 2026 ha madan Pyndenïewlyngdoh, Nonglang kaba ha South West Khasi Hills District.
Ha ka jingïakhun jong kane ka sngi sdang, ka Mawmi ka la pynliem noh ïa ka Jynmu da 5-2 kol. U Wanpli Snaitang u la thep ar kol ha ka minit ba 20 & 63, nangta sa u Pyndaplang K.Rynjah ha ka minit ba 34 & 75. Kane ka kynhun ka la ïoh biang sa shi kol na ka daw ka jingbakla thep hi da u rangïalehkai ka liang pyrshah u Andy Syiemlieh ha ka minit kaba 69.
Ïa kane ka lympung la wan ban plie da u Bah Wanjoplang Kharlyngdoh ha ka jingïadonlang ki riew rangbah bad ki samla shnong.
