Shillong, Nailar 12
Ka All Meghalaya Taekwondo Asso -ciation (AMTA) ka la lah ban pynlong ïa ka lympung ïalehkai CISCE Zonal Taekwondo Cham-pionship ha ka sngi Ba-ar ha Loreto Convent, Shillong.
Ha kane ka lympung ba la ïasnoh kti lang bad ka Loreto Convent School, la sakhi ïa ka jingwan shim bynta na ki skul bapher bapher jong kane ka zone. Ki nongïalehkai ki la lah ban pyni ïa ki sap ïalehkai jong ki ha kane ka lympung.
Kat kum ka kyrwoh ba la pyllait da kane ka synjuk, la ong ba ki nongïalehkai ki ban khur takma ha kane ka lympung kin ïoh ka lad ban mihkhmat ïa kane ka thaiñ sha ka CISCE Regional Taekwondo Championship ka ban sa long hadien.
Na ka liang ka All Meghalaya Taekwondo Association ka la ai khublei ïa baroh ki nongshim bynta, ki nongjop, ki coach bad ki nongpynïaid ki la lah ban pynlong ïa kane ka lympung kaba jop.
