Khliehriat, Nailar 13
Ka Ïapmala United SC, Tuberkmai Shnong SCSC bad Moolamanoh SC ki la khur jingjop ha ka lympung ïalehkai 2nd Division Football Tournament ba la pynïaid da ka East Jaiñtia Hills District Football Association ha ka sngi Palei.
Ha ka jingïalehkai kaba la long ha madan artificial turf Diengshynrum kaba ha Khliehriat, ka Ïapmala United SC ka la pynliem noh ïa ka Lumshyrmit da 2-1 kol. Kane ka la wan urlong lyngba ki ar kol ba la thep da u Justmeki Swer ha ka minit 33 & 67. Hynrei ka Lumshyrmit SC ka la pynphai kylla shi kol lyngba u Bikel Khaii ha ka minit kaba 56.
Ha ka jingïalehkai kaba bud, ka Tuberkmai Shnong SCSC ka la jop da 3-2 kol ïa ka Kairang CSC. Ïa ki kol jong ka Tuberkmai Shnong la thep da u Wansalan Kyndait ha ka minit 19 & 59 bad u Samewanki Ryngkhlem 25. Hynrei ka Kairang ka la pynphai kylla ar kol lyngba u Kampher Rymbai (35) bad u Sambhalang Mawthoh (60) uba la ïoh lyngba ka penalty.
Haba phai sha kawei pat ka jingïalehkai ka Moolamanoh SC ka la jop da 4-3 kol ïa ka Pamrakmai SCSC. Kane ka nam jop ka la wan urlong lyngba ki kol ba la thep da u Kenny Sintus Dkhar ha ka minit kaba 24, kumjuh u Eriston Dkhar (37), Ambition Dkhar (45), bad u Edelbert Khaii (65). Katba ïa ki kol jong ka Pamrakmai la thep da u Junely Siangshai (4), Wandame Laloo (17), bad u Bideon Suchiang (47)
