Shillong, Nailar 16
Kan dei ka sien kaba nyngkong eh ba ka Jylla ka la lah ban khur haduh san tylli ki takma ha ka Natio -nal Age Group Triathlon Championship 2026 kaba la long ha Pune.
Ïa kane ka lympung la pynlong da ka Indian Triathlon Federation, na-duh 15 haduh 16 tarik mynta u bnai ha Balewadi Sta-dium, Pune, ha kaba la wan shim bynta da ki nongïalehkai na kylleng jong ka ri ha la ki jong ki kyrdan ban shim bynta ha ki lai tylli ki jingïalehkai kata ka ïakop jngi, ñiah saikil bad ïamareh.
Ha kane ka lympung ka Jylla hapoh ka lama jong ka Meghalaya Triathlon Asso-ciation ka la phah 12 ngut ki nongshim bynta (5 ngut ki khynnah shynrang bad 7 ngut ki khynnah kynthei), ha kaba san ngut ki la khur takma. Ïa ki takma rupa la khur da u Sumarbiang Mawlong, Dr Ardonister Lyngdoh bad Glareenda Louiza Wah-lang, katba ïa ki takma rnong la khur da ka Balasweidor Wahlang bad ka Naphisabet Nongbet.
Kiwei pat ki nongïa-lehkai kiba la lah ban pyndep ha ka thup kaba shiphew ki long ka Meba Lyngdoh, Ibankdup Nongbet, Denise Tariang, William K Sangma, David Issacson Wahlang, Willbornson Wahlang bad u James K Lyngdoh.
