Shillong, Nailar 17
Saw ngut ki khynnah ïalehkai ka Jylla hapoh ka lama jong ka Swim Well Aquatic Club (SWAC) ki la dep ban pyntbit ha ka Level 1 Swimming Coach Certification Course kaba long shabar jylla.
Kine ki long u Vangie Kupar Lyngdoh, Wanrahbok Khriam, Shem -bok Jala bad u Waddorlang Kynter.
Ka Swim Well Aquatic Club (SWAC) ka kwah de ban pynshai paidbah shaphang ka jingdonkam ban tip bniah shwa lada ka jinghikai jngi jong ki, ka dei ne em hapoh ka jingïalam jong kiba lah pyntbit ne kiba la ïoh syrnod kum ki nonghikai jngi.
Katei ka synjuk ka la pynshlur ïa ki kmie ki kpa, ki khynnah bad baroh ki paidbah ba ki dei ban tip bniah shwa ïa ki nonghikai jngi lada ki dei ne em kiba la ïoh jinghikai bad kiba la don ne em ïa ki syrnod hikai jngi kaba pura.
Te kumta katei ka SAC ka kyntu de ïa kito kiba kwah ban hikai jngi ba ki dei ban ïoh syrnod na kano kano ka jaka ba shah pyntbit kaba la ïoh ka jingithuh da ka sorkar pdeng kaba ai jinghikai ha ka kam hikai jngi. Ki Coach kiba la dep pyntbit bad kiba la ïoh syrnod ki long kiba la kham tbit ha ka jingnang jingstad, ha ka sap jngi bad kumno ban ai jingaida ban lait na ka ngam jyllop bad ban ai ruh ïa ka jinghikai ban lait na kino kino ki jingmynsaw kiba bun ha ka por ba hikai jngi.
