Jowai, Nailar 17
Ka West Jaiñtia District Badminton Association (WJDBA) ha ka 14 tarik mynta u bnai ka la pynkut noh ïa ka District Open Badminton Championship 2026 ha Kiang Nangbah Indoor Hall Dongmihsngi Ladthadlaboh, Jowai.
Ha kane ka lympung ïalehkai kaba neh lai sngi lynter, ki la don 93 ngut ki nongïalehkai shynrang bad kynthei kiba la shim bynta ha ki kyrdan ïalehkai kynthup naduh ka Under-13, Under-15, Under-17, bad Under-19 kumjuh ruh ka kyrdan ïalehkai Open bad Veteran.
U kongsan uba la wan ban pynhap pyrda ïa kane ka lympung u dei u Assistant Director jong ka tnat ïalehkai ka sorkar Jylla Bah Khroobok Passah ha ka jingdonlang u President ka WJDBA u Bah D. Pyrbot nalor kiwei de ki dkhot nongkitkam ka WJDBA.
Ha kane ka lympung katei ka synjuk ka la pynkup burom ruh ïa u Bah Khroobok Passah uba dei u District Sports Officer barim ka West Jaiñtia Hills halor ki jingnoh synñiang ba radbah jong u na ka bynta ban kyntiew ïa ki kam ïalehkai hapoh ka district.
Hadien ka jingïakhun phainal, la pynlong ïa ka jingïalang sam khusnam sha baroh ki nongjop ha la ki jong ki kyrdan ïalehkai bapher bapher.
Ha ka jingïakhun jong ka U-13 Boys Singles la jop da u Lakhon Langstang ïa u Ram Langstang da 9-15, 15-12, 17-15. Kumjuh ha ka U-13 Boys Doubles la jop da u Ram Langstang & Lakhon Langstang ïa u Ïaraplang Lamare & Ebiangmiki Shadap Manner da 15-12, 15-12. Ha ka U-15 Boys Singles la jop da u Wailad S Passah ïa u Chibor Langstang da 15-13, 15-6. Ha ka U-15 Boys Doubles la jop da u Deimonmi S Manner & Wailad S Passah ïa u Dauru & Jayden R Phyllei da 15-13, 15-6.
Ha ka U-17 Boys Singles la jop da Dathrang Langstang ïa u Wailad S Passah da 16-14, 15-9. Ha ka U-17 Boys Doubles la jop da u Sunshine Phadong & Dathrang i Langstang va u Jayden R Phyllei & Jermiki Challam da 15-4, 15-7. Ha ka U-19 Girls Singles la jop da ka Nihaka Lamare ïa ka Daphika Ryngkhlem da 15-7, 15-4. Ha ka U-19 Girls Doubles la jop ka Nihaka Lamare & Dasieni Ka Challam ïa ka Daphika Ryngkhlem & Damanibha Lamare da 15-3, 15-8. Ha ka U-19 Boys Singles, la jop da u Dapmon Papang ïa u Teidame Sungoh da 18-21, 21-17, 21-16.
Ha ka U-19 Boys Doubles la jop da u Lechan Suchiang & Dapmon Papang ïa u Teidame Sungoh & Iwansa-oo Sumer da 16-14, 15-12. Ha ka Mixed Doubles la jop da u Mebankerlang Shullai & ka Josefina Dala ïa u Deilangwa-oo Nongpluh bad ka Ribhalang Passah da 21-17, 21-17. Ha ka Women’s Singles la jop da ka Josefina Dala Passah ïa ka Nihaka Lamare da 21-12, 21-18. Ha ka Women’s Doubles la jop da ka Josefina Dala Passah & Pretty Mary Sumer ïa ka Ribhalang Passah & Wandakahi Passah da 21-12, 21-12.
Ha ka Men’s Singles la jop da u Mebankerlang Shullai ïa u Banshan Lamare da 21-11, 21-15. Ha ka Men’s Doubles, la jop da u Meban-kerlang Shullai & Deilangwa-oo Nongpluh ïa u Daymeniv Shullai & Gregoreo Passah da 21-12, 21-14. Ha ka Men’s Singles 35+ la jop da u Ram Najiar ïa u Bah Marbiangki Bareh da 21-14, 22-20. Ha ka Men’s Doubles 35+ la jop da u bah Peterson Lamare & bah Daymeniv Shullai ïa u Bah Arkiyoo Passah & Yutang Pakma da 21-13, 21-8. Ha ka Men’s Singles 55+, la jop da u Chiboon Pohleng ïa u Ambrose N Gatphoh da 21-15, 21-17. Ha ka Men’s Doubles 55+ la jop da u Chiboon Pohleng & Pirona Chyr-mang ïa u Ambrose N Gatphoh & Dawanroi Pyrbot da 21-19, 22-20.
