Shillong, Nailar 17
Ka kynhun ki ‘thei ïaleh -kai Under-17 jong ka Little Star English Medium Higher Secondary School kan pynkhreh ïa ka jingïalehkai kaba nyngkong ha ka 65th Subroto Cup International Football Tournament 2026 pyrshah ïa ka Chandigarh ha ka sngi Ba-ar ha nongbah Delhi.
Kane ka jingïalehkai kan long ha ka por 5.30 janmiet ha Dr Ambedkar Stadium.
Kane ka kynhun ïaleh -kai kaba la mihkhmat ïa ka Jylla ha kane ka lympung, ka la shah pynngat ha ka Pool-D kaba kynthup lang ïa ka Internatio -nal Schools Sports Orga-nisation (ISSO), Chan-digarh, Dadra And Nagar Haveli and Daman And Diu (DNH & DD) bad ka Madhya Pradesh.
Kumjuh ha ka 19 tarik kane ka kynhun kaba na Nongbah Bynter, Eastern West Khasi Hills kan ïakynduh pyrshah ïa ka ISSO, ïa ka Madhya Pradesh ha ka 21 tarik bad ia ka DNH & DD ha ka 22 tarik.
Kat kum ka prokram, la ong ba ka jingïakhun quarter final kan long ha ka 23 tarik, kumjuh ka semi final ha ka 24 tarik bad ka final kan long ha ka 27 tarik mynta u bnai.
Te kumta kane ka kynhun hapoh ka jing-ïalam u Shemphang Lyngdoh (coach) ka la khmih lynti ban kan ïalehkai bha khnang ba ka lah ban wanrah ïa ka nam bad ka burom ïa ka Jylla hi baroh kawei.
