Shillong, Nailar 18
Ka True North ka la pynbna ba kan pynlong ïa ka 1st True North Open Swimming Competition ryngkat bad ka Master Meet 2026, kaba la buh ban long ha ka 11 bad ka 12 tarik u Nailur ha pung jngi jong ka, kaba don ha Lapalang Complex.
Ka jingpynlong ïa kine ki jingïakob ka plie lad ïa baroh ki nongshong shnong ka Jylla ha kaba ka rta ba lah ban wan ban ïashim bynta kan long naduh kiba 7 snem shaneng ka rta haduh kiba la kynjoh ïa ka 70 tam ka rta.
Ha kane ka jingïakob yn phiah pat ïa ki bynta ka jingïakhun ha ka kyrdan jong ka Sub Junior, Junior, Senior bad Masters.
Ïa ki form (registration) lah ban ïoh na ka True North Centre kaba don ha Mission Compound bad kumjuh na Lapalang lane ki lah ruh ban ïoh lyngba ka online ka facebook, instagram ne lyngba ka QR codes.
Lada don pat kino kino ki jingpyntip na ka liang ki bor pynïaid kin sa phah lyngba ka WhatsApp bad na ka liang ki nongpynïaid ki la kren lypa da kaba shai kdar ba kan nym pynbiang satia kino kino ki jaka shong ne sah ïa ki nongwan ïashim bynta.
Kumta, sa shisien pat ka True North ka shim ïa ka kabu ban wer lang ïa baroh bad kumjuh ïa ki kynhun ne ki synjuk ïa jngi ka jylla ba kin wan ba kin ïashim bynta sha kane ka jingïakob.
