Shillong, Nailar 18
Ka stadium kaba heh duh ha Mawkhanu kan ym dei ka jaka ban pynlong na ka bynta ka National Games na ka daw ka jingïoh ïa ka mang kaba kham slem, la pynpaw u Myntri ka tnat ïalehkai u Bah Wailadmiki Shylla ha ka sngi Ba-ar.
Ïa kane ka projek la buh ïa ka thong kaba 36 bnai ban pyndep bad ïa ka kam la sdang dangshen, la ong utei u Myntri da kaba bynrap, ” Ngim shym la thmu ïa kane ka jaka na ka bynta ka National Games namar ba la mynjur ïa ka jingtei kham hadien bha. Ka por ban pyndep ka long 36 bnai.”
Wat hapdeng kane, u la ong ba ka sorkar ka don ka jingkyrmen ban pyndonkam ïa ka madan na ka bynta ka jingplie paidbah haba kheiñ ïa ka jingsted jong ka kam. “Ka jingïaid jong ka kam ka long kaba biang bad kaba stet. Da kane ka jingstet ngi lah ban pynlong ïa ka prokram jong ka jingplie,” u la bynrap.
U Bah Shylla u la pynshai ba ka stadium kan nym lah ban pyndep pura, hynrei lah ban pyndonkam ïa ka jingtei bad ka madan ïalehkai.
“Kan ym lah ban pyndep pura, hynrei ngi lah ban pyndonkam ïa ka bynta ba shapoh jong ka madan. Lym kumta kam shym la long shi bynta jong ka thong jong ka National Games,” u la bynrap.
Utei u Myntri, uba dangshen u la leit jurip lang bad u Myntri Rangbah, u la ong ba ka jingtei ka la nangkiew stet naduh ka por ba la buh ïa u maw nongrim.
“Ngan ym ai ïa ka shispah na ka shispah ka jingïaid jong ka kam, hynrei nga thikna ba ka jingïaid jong ka kam ka long kaba stet shibun ban ïa kaba ngi khmih lynti,” la bynrap biang u Bah Shylla.
