Khliehriat, Nailar 18
Ka Nongsning Youth SC bad ka Umstain SSCC ka la khur jingjop ha ka lympung ïalehkai 3rd Division Football Tournament ba la pynïaid da ka East Jaiñtia Hills District Football Association, ha ka sngi Ba-ar ha madan artificial turf Diengshynrum, Khliehriat.
Ha kane ka jingïakhun, ka Nongsning Youth SC ka la pynliem noh ïa ka Wapungskur SSWO da 3-1 kol. Ïa ki kol jong ka Nongsning la thep ar kol da u Spain Dkhar ha ka minit kaba 41 & 53 lem bad kawei da u Jes Sympli (68), katba ka Wapungskur ka la pynphai kylla lyngba ka jingbakla thep hi u rangïalehkai u Nongsning u Kner Siang (40+1).
Ha ka jingïalehkai kaba bud hapdeng ka Dongumsngad SC Byndihati bad Evergreen SC Ladwahwapung ki la ïakhaid mar 1-1 kol. Ka Dongumsngad ka la pynkhih jar nyngkong eh lyngba u Vesco Shylla ha ka minit kaba 34, hynrei ka Evergreen ka la pynïakhaid kylla lyngba u Riewmos Dkhar (51).
Haba phai sha kawei pat ka jingïalehkai, ka Umstain SSCC ka la jop da 5-2 kol ïa ka Sein Khynroo SC Umsatai. Ïa kine la thep mar ar kol da u Thomas Suchiang (7 & 11), Eveningland Pohshna (33 & 53) lem bad kawei da u Daemetre Ladong (77), katba ka Sein Khynroo ka la pynphai kylla ar kol da u Jewel Sympli (2 & 58) hashwa ba kan mad ïa ka jingshah rem.
