Guwahati, Nailar:
Ka jingshlei um kaba dang shen ha Assam, ka la wanrah ïa ka jingjulor kaba jur ïa ki katto katne ki kper slasha, ha kaba ïa ka jingduhnong kaba pura, ym pat lah ban tip, ong u Dipanjol Deka, Secretary jong ka Assam Branch jong ka Tea Association of India.
U Deka u la ong ba katto katne ki bynta jong ki kper slasha ki la shah tap ha ki shyiap bad ka ktieh, kane ka la pynlong ïa ka ban eh ha ka ban shim jingkheiñ mardor ïa ka jingbun jong u slasha uba la duh. Ka jingshlei um ka la wanrah ruh ïa ka jingjulor kaba jur ïa ki jaka sah jong ki nongtrei, katba ki karkhana ha kawei ne ar tylli ki kper ki la shah ktah.
Napdeng ki Estate kiba la shah ktah bha ka dei ka Boundpro Tea Estate, ha kaba ka jingktah jong ka jingshlei um ka la long kaba jur bha.
U Deka u la ong ba ki nongtrei ha ki katto katne ki kper ki dang lah ban sdang biang ban ot namar ba ki nala um bad kiwei kiwei ki jingtei ki dang sahkut hapoh ka ktieh.
U la bynrap ba ka jingpynkhuid ïa ki jaka ba shah ktah ka lah ban shim por shibun, ha kaba don ki bynta kiba lah ban donkam ïa ka aïom sha baroh kawei ban wanphai biang sha ka jinglong kaba mynshuwa.
Ka karkhana ka dang bteng ban bishar bniah ïa ka jingjulor, da kaba shim jingkheiñ kaba shai ïa ka jingduhnong kaba la khmih lynti ynda la lah ban jurip bad pynkhuid ïa ki bynta ba shah ktah.
