Jowai, Nailar 18
Ka Mainroad SC Nar-tiang, Shillong Police bad United FC ki la khur jingjop ha ka 2nd Divi-sion Football League – (L) Joybell Suiam Memo -rial ba la pynïaid da ka Thadlaskeiñ Sports Association (TSA) ha ka sngi Ba-ar.
Ha kane ka jingïalehkai kaba la long ha madan Multi Sports Complex kaba ha Wahïajer, ka Mainroad SC Nartiang ka la pynliem noh ïa ka Nongthymme Nongdhar da 3-1 kol. Ïa ki kol jong ka ka Mainroad la thep kol nyngkong da u Pele Dkhar ha ka minit kaba 24, katba u Khamkor Dkhar u la thep ar kol ha ka minit kaba 30 & 45. Hynrei ka Nongthymme ka la pynphai kylla shi kol lyngba u Edris Suting (69).
Ha ka jingïalehkai kaba bud, ka Shillong Police FT ka la jop da 2-1 kol ïa ka Thadmynri SC. Ka nam jop ka la wan urlong lyngba u Ïohborlang Nonglyer uba la thep ar kol ha ka minit kaba 8 & 35). Na ka liang ka Thadmynri ka la pynphai kylla shi kol lyngba u Malangki War (59).
Haba phai sha kawei pat ka jingïalehkai, ka United FC ka la jop da 2-0 kol ïa ka Unity FC Phlongingkhaw. Ïa kine la thep da u Andyson Shylla ha ka minit kaba 18 bad u Eddyson War (38).
Ha ka sngi Balang ka jingïalehkai kan long hapdeng ka Momer SC pyrshah ïa ka Mukhla Veterans ha ka por 10 baje mystep, kumjuh ka Moodop Youth ïa ka Christian Club Namdong ha ka por 12 baje mynsngi bad ka Thadmusem SC ïa ka Mukhla Mission ha ka por 2 baje nohphai sngi.
