Khliehriat, Nailar 19
Ka Youth Sc Pyrtakuna ka la pynliem noh ïa ka SWC Deinsatlang da 3-0 kol na ka bynta ban khur jingjop ha ka lympung ïalehkai 3rd Division Football Tournament ba la pynïaid da ka East Jaiñtia Hills District Football Association, ha ka sngi Balang ha madan artificial turf Diengshynrum, Khliehri.
Kane ka nam jop ka la wan urlong lyngba ki ar kol ba la thep da u Financial Sumer ha ka minit kaba 21 & 74 bad ïa kawei pat la thep da u Sohmon Massar (46).
Haba phai sha ka jingïalehkai kaba bud hapdeng ka Teilang SCSC Lummyrli bad ka Tongseng Youth SYSC ki la kut ha ka jingïakhaid mar 1-1 kol.
Watla kine ki kynhun kim shym la lah ban thep kol ha ka kylla step, hynrei ka Tongseng Youth ka la ïoh ban pynkhih ha ka minit kaba 62 jong ka kylla miet lyngba u Fining Lyngdoh. Hynrei ka Teilang ka la lah ban pynphai kylla lyngba u Mantiphrang Pohsnem (74) na ka bynta ban ïakhaid mar shi kol.
Ka Dkhiah East ka la pynliem noh ïa ka Moonongtdu SC da 1-0 kol bad kane ka la wan lyngba u Nidawan O Nongtdu, uba la thep ha ka minit kaba 57.
