Khliehriat, Nailar 20
Ka Sonapyrdi FSC bad Wahsarang ki la khur jingjop, katba ka Musniang Rim SC ka la ïakhaid mar 1-1 kol bad ka Shiborlang SC Pynthorsale ha ka lympung ïalehkai 3rd Division Football Tournament ba la pynïaid da ka East Jaiñtia Hills District Football Association ha ka sngi Palei ha madan artificial turf Diengshynrum, Khliehriat.
Ha ka jingïalehkai kaba nyngkong ka Sonapyrdi FSC ka la pynliem ïa ka Mookympat SSCC da 4-2 kol. Ïa ki kol jong ka Sonapyrdi FSC la thep da u Kerlang Tlang (33), Kitbok Sutnga (45), Affirming Tlang (67) bad u Rikune Rupsi (75). Katba ïa ki kol ka Mookympat la thep da u Ebordame Lamare (8) bad u Ritre Lyngdoh (79).
Ha kawei pat ka jingïalehkai, ka Wahsarang SC ka la pynrem da 4-0 kol ïa ka Mookhep SCSC. U Shawas Dkhar u la thep ar kol ha ka minit kaba 48 & 61, katba ïa kiwei u pat la thep da u Combine Lamo (72) bad u Evangelist Bareh (73).
Haba phai sha kawei pat ka jingïalehkai hadpeng ka Musniang Rim SC bad ka Shiborlang SC Pynthorsale ki la ïakhaid mar 1-1 kol. Na ka Shiborlang SC la thep da u Bormi Phawa (21), hynrei ka Musniang Rim ka la pynphai kylla lyngba u Lamphrang Dkhar (45).
