Jowai, Nailar 20
Ka Maskut SC bad Mainroad SC Wahïajer ki la khur jingjop, katba ka Ïawthymblein SC bad ka Mukhla Sohshrieh ki la ïakhaid ha ka lympung ïalehkai 2nd Division ba la pynïaid da ka Thadlaskeiñ Sports Association ha ka sngi Palei ha Multi Sports Complex Wahïajer.
Ha ka jingïalehkai kaba nyngkong ka Muskut SC ka la pynliem noh ïa ka Madur SC lyngba ka shi kol ba la thep da u Phrangsngi Ryngkhlem ha ka minit kaba 10.
Ha ka jingïalehkai kaba bud, ka Mainroad SC Wahïajer ka la jop da 3-0 kol ïa ka Niriang Pdienlum. Ïa kine la thep da u Chelang Laloo ha ka minit kaba 28, kumjuh u Hopefulson Talang (44) bad u Heihok Dkhar (50).
Katba ha ka jingïalehkai hapdeng ka Ïawthymblein SC bad ka Mukhla Sohshrieh ka la ïakhaid mar 2-2.
Na ka bynta ka Mukhla Sohshrieh la thep da u Elbious Sari ha ka minit kaba 2 bad u Odawanmi Lyngdoh (51), katba na ka Ïawthymblein la thep da u Paitmiki Sari (5) bad u Dawyo Suna (17).
