Shillong, Nailar 20
Ka Tournament Committee jong ka Shillong Sports Association ka la pynkylla ïa ki por ïalehkai na ka bynta ki jingïalehkai kiba dangsah jong ka Shillong Premier League 2026 sha ka por nohphai sngi.
Kane ka la wan tang hadien katto katne por ka jingwan u lapbah uba jur ha kane ka nongbah ha ka janmiet jong ka sngi Palei kaba la shat jingmut ïa ki jingmut jingpyrkhat jong ki nongïalam ka SSA ba kin hap ban pynkylla noh ïa ka por ïalehkai da kaba buh hakhmat eh ïa ka jingshngaiñ jong ki nongïalehkai, ka jingbit jingbiang jong ka madan bad ka jingïalehkai kaba khuid.
Kane ka jingpynkylla ïa ka por ïalehkai kan treikam naduh ka sngi Thohdieng ha kaba ka Mawlai kan ïakhun pyrshah ïa ka Shillong Lajong ha ka por 5:30 janmiet.
