Shillong, Nailar 23
Ka jingïalehkai bha Edmund Lalrindika ban khur ïa ka hat-trick ka la biang pura ïa ka East Bengal ban pynliem noh ïa ka Mohun Bagan Super Giant da 4-1 kol bad ban ïaryngkat ka rekod nam lahduh kaba 17 ha ka 135th Durand Cup, ha ka sngi U Blei ha Kolkata.
Kane ka long ka jingïai ap khmih lynti kaba 22 snem jong ka East Bengal na ka bynta ban rah ïa ka trophy nam lahduh, naduh ba ka la jop khatduh ha u snem 2004 lyngba ka jingjop ïa ka Mohun Bagan da 2-1 kol.
Ha kane ka jingïakhun final kaba la long ha Vivekananda Yuba Bharati Krirangan kaba ha Kolkata, ka Mohun Bagan hapoh ka jingïalam u Antonio Lopez Habas ka la pyrshang ban ïakhun tyngeh, katba ka East Bengal kam shym la kheiñ sting ban thep haduh saw kol ha ka kylla step.
Tang mar ïasdang ka jingïalehkai u Bipin Singh u la ïoh ban pynkhih jar nyngkong eh ha ka minit kaba 10 na ka bynta ka East Bengal bad hadien tang hapoh 44 minit u Lalrindika u la long u khlur ïalehkai ba kynsai da kaba u la khur syndon ïa ka hat-trick.
Haba ïalehkai tang marwei ha ka bynta kaba shakhmat ha ka jaka u Jesin TK, u Lalrindika u la ïoh ban thep ar kol ha ka minit kaba 12 & 22. Hynrei hadien shiteng kynta u Manvir Singh u la lah ban pynphai kylla shi kol na ka bynta ka Mohun Bagan ha ka minit kaba 33.
Hynrei katei ka lahduh jong ka Indian Super League ka la ïai bteng ban ïalehkai bha bad ban siew kylliang ïa ka jingshah rem jong ka da 0-1 ha ka final jong u snem 2023 bad kaba la pynlong ïa ka Mohun Bagan ban khur ïa ka rekod nam lahduh kaba 17 bad ruh ban ïohpdiang ïa ka khusnam pisa kaba T. 1:21 klur bad ka Mohun Bagan ka la ïoh T. 60 lak.
Lyngba ka jingmih na kane ka jingïakhun final, ka la pynlong ïa kine ki kynhun ba khlaiñ bor na Kolkata ban ïaryngkat ka rekod kaba 17 sien ha ka jingkhur nam lahduh ha kane ka lympung kaba la rim tam ha ka dewbah Asia.
