New Delhi, Nailar:
U Myntri ka tnad ka rep ka riang u Gabriel D. Wangsu, ha ki khyndiat sngi jong ka taïew ba la lah, u la pan ïa ka jingkyrshan kaba kham khlaiñ jong ka saïan bad ka tnat treikam na ka Indian Council of Agricultural Research (ICAR) ban pynkloi ïa ka jingkiew ha ka rep ka riang bad ki bynta ba ïadei bad ka rep ka riang ha Arunachal Pradesh.
Haba ai jingkren ha ka jingïalang bah ba 97 jong ka ICAR ha Pusa, New Delhi, u Wangsu u la buh lai tylli ki mat ba kongsan jong ka jylla hakhmat ka konsil.
U la wad ïa ka jingkyrshan kaba kham khlaiñ jong ka ICAR na ka bynta ban pynkhreh ïa ka Agriculture Policy bad ka Roadmap kaba bniah na ka bynta ka jylla Arunachal Pradesh.
Haba ïadei bad ka jingwan jngoh jong u myntri ka tnad rep ka sorkar pdeng u Shivraj Singh Chouhan sha kane ka jylla ha ka 30 tarik u Jylliew, 2026, u Wangsu u la ong ba la pynksan ïa ka jingpynkhreh ïa ka roadmap ba pura jong ka rep ka riang ha kane ka jingwan jngoh. Ïa ka jingkitkhlieh na ka bynta katei ka jingtreikam la aiti hadien ha u nongpynïaid jong ka ICAR Research Complex na ka bynta ka NEH Region.
U Wangsu hadien ba u la dep ban ïashim bynta ha ki jingïalang ba bun, ha kaba la ïadon bynta lang da ki ophisar jong ka tnad, u la rai ban pynbiang ïa baroh ki lad jingïarap sha ki nongrep.
Kane ka jingthmu jong u ka long ban kyntiew ïa ki nongrep ha ka jylla, khamtam hadien ba la dep ban mang ki jingai jingïarap jong ki da ka sorkar pdeng lyngba ki skhim ba la treikam.
La ïaroh ïa kane ka jingthmu namar ka jingnoh synñiang kaba kongsan jong ka ban kyntiew ïa ka ïoh ka kot ha ka rep ka riang.
Ki heh sorkar ki la pynpaw ïa ka jingktah jong ka jingkylla jong ka skhim, da kaba pynksan ïa ka bynta jong ka ha kaba pynbha ïa ka jinglong jingman ha ka liang ka pisa tyngka jong ki nongrep bad ban kyntiew ruh ïa ki rukom rep kiba thymmai.
Ki nongrep ha Arunachal Pradesh ki la shah mang ban ïoh ïa ka jingïarap pisa kaba kot sha ka T.1000 tyngka. 226.46 klur tyngka hapoh ka Installment kaba 19 jong ka PM-Kisan Samman Nidhi Yojana (PM-KISAN), la pynbna ki heh sorkar.
Kane ka jingsiew ka dei shi bynta jong ka jingpyrshang ba bteng jong ka sorkar pdeng ban kyrshan ïa ka tnad rep bad ban kyntiew ïa ka jingim jong ki nongrep.
Ha ka ri baroh kawei, kumba T. 22,000 klur la pynrung beit sha ki Bank Account jong ki 9.8 klur ngut ki nongrep hapoh kane ka bhah jong ka skhim.
Uwei pa uwei u nongrep uba dei hok un ïoh ïa ka T. 2,000 kum shi bynta jong ka jingïarap kaba man la u snem T. 6,000 ka jingïarap pisa ba la ai hapoh ka PM-KISAN, ba la sam ha ki lai tylli ki bynta kiba ïaryngkat ha baroh shisnem.
