Shillong, Nailar 24
U Devraj Mohapatra uba la mihkhmat ïa ka Megha -laya, u la wanrah nam bad burom ïa ka Jylla da kaba khur ïa ka takma ksiar ha ka lympung ïakob siat khnam ba la tip kum ka 2nd NTPC National Ranking Archery Tour-nament 2026.
Kane ka jingïakhun ka la long naduh ka 18 haduh ka 27 tarik mynta u bnai ha Bokaro kaba ha Bokaro Jharkhand.
Ka takma ksiar kaba u Devraj u la ïoh ban khur ka la wan na ka ïakob siat jong ka Junior Recurve Men Individual Elimina-tion Round.
Haba ïadei bad kane, ka synjuk Archery Associa -tion of Meghalayan (AAM) ka phah ka jingai khublei ïa u Devraj uba la lah ban trei shitom tad haduh ba un da lah ban ïoh khur syndon ïa kane ka takma, ha ka juh ka por ka synjuk kam lah ban khlem da ai khublei ïa ka sorkar jylla, kaba ju ïai kyrshan bor bah ïa ka synjuk ha ka jingtrei jong ka ban saiñ dur ïa ki nongïalehkai siat khnam ka Jylla ki ban da paw mynta kumba long u Devraj Mohapatra.
Ka AAM kam lah ruh khlem pynpaw ïa ka jing-sngewnguh bad ka jingtrei shitom jong u High Performance Direc -tor cum Head u Mim Bahadur Gurung bad kiwei ki coach kiba hapoh jong u kiba la trei borbah ban ioh kheit ia u soh ka jingjop.
