Jowai, Nailar 24
Ka West Jaiñtia District Badminton Association (WJDBA) ha ka lah sngi U Blei ka la pynlong ïa ka jingïalang ha Kiang Nangbah Indoor Hall Stadium, hashwa ba ki 31 ngut ki rang bad ‘thei ïalehkai kin mih na katei ka district ban leit shim bynta ha ka lympung ïalehkai 41st State Badminton Championships 2026.
Ïa kane ka lympung yn sdang naduh ka 26 haduh 29 tarik mynta u bnai ha Nongstoiñ, West Khasi Hills ïa kaba yn pynïaid da ka Meghalaya State Badmin-ton Association (MSBA)
Ïa kane ka jingïalang la pynïaid da u President ka WJDBA Bah D. Pyrbot ha ka jingdonlang u Vice President Bah A. N. Gatphoh, General Secretary Rimilan Passah, bad Adviser J. M. Pohsngap.
Baroh ki 31 ngut ki nongïalehkai badminton ki la ïohpdiang ïa ki sopti thymmai. Ïa kane ka kynhun yn ïalam da u Coach u Mebankerlang Shullai bad Team Manager u Ram Najiar.
Baroh ki nongïalam ka WJDBA ki la kyrkhu kyrdoh bad kitbok kitrwiang ïa baroh ki nongïalehkai hashwa ba kin mih napoh ka district.
