Khliehriat, Nailar 25
Ka Dkhiah West SCSO, Khliehmyn-triang SCSC bad ka Lama Youth SC ki la khur jingjop ha ka lympung ïalehkai 2nd Division Football Tournament ba la pynïaid da ka East Jaiñtia Hills District Football Association (EJHDFA) ha ka sngi Ba-ar.
Ha kane ka jingïalehkai kaba la long ha madan artificial turf Diengshynrum kaba ha Khliehriat, ka Dkhiah West SCSO ka la pynliem noh ïa ka Mulieh YWSC da 2-1 kol.
Ha ka kylla step ka Dkhiah West ka la thep kol nyngkong lyngba u Goldenstar Dkhar (12). Kane ka kynhun ka la pynbud ïa ka kol kaba ar ha ka kylla miet na ka daw ka jingbakla thep hi da u rangïalehkai ka Mulieh u Teibor Swer (57). Hynrei hadien ar minit ka la pynphai kylla shi kol lyngba ka penalty ba la shut da u Christopher Dkhar (59) hashwa ba kan shah rem.
Ha ka jingïalehkai kaba bud, ka Khliehmyntriang SCSC ka la jop da 2-0 kol ïa ka Wapung Shnong SCSC. Kane ka nam jop ka la wan urlong lyngba ki ar kol ba la thep da u Arun Dkhar ha ka minit kaba 19 & 71.
Haba phai sha kawei pat ka jingïalehkai kaba khatduh, ka Lama Youth SC ka la pynliem da 1-0 kol ïa ka Moosianglamare New YWOSC. Kane la wan urlong lyngba u Hajanmi Rymbai, uba la thep ha ka minit kaba 34.
