Shillong, Nailar 25
Ka Mawryngkneng SC bad ka Umlyngka SC ki la khur jingjop ha ka lympung ïalehkai Second Division Football League 2026 ba la pynïaid da ka Shillong Sports Associa-tion ha ka sngi Ba-ar ha madan Polo.
Ha ka jingïakhun kaba ha SSA Stadium, ka Maw-ryngkneng ka la pynliem noh ïa ka Smit SC da 1-0 kol bad ïa kane la thep da u Donkupar Mynsong ha ka minit kaba 75.
Haba phai sha kawei pat ka jingïakhun ha ma-dan MFA, ka Umlyngka SC ka la jop da 2-0 kol ïa ka Nongmynsong SC.
Watla kine ki kynhun kim shym la lah ban thep kol ha ka kylla step, hynrei hashwa ban kut ka jingïalehkai ka Umlyngka ka la lah ban thep syndon haduh ar kol lyngba u Nichelson Lyngkhoi ha ka minit kaba 85 bad u Hamlet Thabah (93).
Ha ka sngi Balang ka jingïalehkai kan long hapdeng ka Sohryngkham SC pyrshah ïa ka Jongksha SC ha ka por 12:30 mynsngi ha SSA Stadium, katba ka Umrynjah SC ïa ka Sohïong SC ha madan MFA ha ka por 1 baje mynsngi.
