Shillong, Nailar 25
Ka Nangkiew Irat ka la khur ïa ka jingjop ha ka lympung ïalehkai Shillong Premier League 2026 ba la pynïaid da ka Shillong Spprts Association, hadien ba ka la pynliem da 2-0 kol ïa ka Laitkor SC, ha ka sngi Ba-ar ha SSA Stadium, Polo.
Kane ka nam jop kaba nyngkong eh ka la wan urlong lyngba ki kol ba la thep da u Ronaldkydon L Nonglait (67′) bad Jeffer -son Pakynteiñ (90’+4) na ka bynta ban pynlong ïa ka Nangkiew ban khur ïa ki lai poiñ.
Ha ka jingshisha, ka Laitkor SC ka rung sha kane ka jingïakhun da ka mynsiem ba rhem bha namar ba ka la lah ban pynliem noh ïa ka Myl-liem, kaba na ka bynta ka jingïakhun ba mynta ka sngi, ka wanrah ïa ki lai tylli ki jingkylla ha ka thup ki rangïalehkai ki jong ka, ha kaba u Sam-borwell Mynsong, Shai-pharlin Nongsiej bad Kitdor Kharphuli ki la wan ban ïalehkai ha ka jaka u Balajiedlang Lyng-wa, Eddisius Kharkongor bad u Damutskhem Mawrie..
Haba phai pat sha Nangkiew kaba rung sha kane ka jingïakhun hadien ba ka la lah ba kan ïakhaid pyrshah ïa ka Nongkseh na ka jingïakhun ba la lah bad kane ka kynhun ka la wanrah ka jingkylla da kaba pynmih ïa ki saw ngut ki rangïalehkai kata u Sangti Janai Shiang-long, Edyvenson Dhar, Dibin-roy Nongspung bad u Res-tom Khriam, kiba la mih plie ha ka jaka u Terry C Khongsti, Yhoto Lohe, Neblejohn Lyng-khoi bad u Maxderidoff Wahlang.
Ka kylla step jong ka jingïakhun ka long ba ki arliang mamla, ki la buh ïa ka thong ban ñion beit shakhmat, kampher ba ki la mihpaw ruh ki sien ïa pyrshang ban pynkhih jar, ki jingpyrshang ba kham paw ha kum kane ka por ki la wan na u Kitdor, u Dibinroy bad u Shelbilkstar Kharshi-lot ka Nangkiew Irat
Haba wan ban bteng ïa ka kylla miet, marsien ïa sdang, ka Nangkiew ka la nang kham pynkhlaiñ ïa la ka kynhun da ka jingbulji ïa ki rangïalehkai, ha kaba uwei na kiba la bujli dei u Yhoto, ha kaba marsien ïa rung madan, u la lah ban pynma bha ïa ka kut ïalehkai jong ka Laitkor.
Hadien ba la shah tam shakhmat shwa da shi kol, ka Laitkor ka la pyrshang lem ban pynïakhaid, kaba ki jingpyrshang jong ka, kam shim la poi pat sha ka thong kumba ka la thmu bad ha ka minit ba la pynjlan ïa ka por ban pynwai noh artad ïa ka jingïakhun (injury time), ka Nangkiew ka la ïoh ban thep pat sa ïa ka kol kaba ar kaba la pynskhem shi syndon ïa kane ka kynhun ba kan khur ïa ka jingjop.
Ha ka sngi Balang ka jingïalehkai kan long hapdeng ka Mylliem pyrshah ïa ka Mawlai SC, ha ka por 3:40 nohphai sngi. Kumba ka paw ka Myl-liem ka dei ka kynhun kaba la mad ïa ar tylli ki jingshah rem ha ki ar tylli ki jingïakhun ba ka la lah.
