Jowai, Nailar 26
Ka lympung ïalehkai 2nd Division ba la pynïaid da ka Thadlaskeiñ Sport Association ka la nangjam shaphrang ha kaba ka Tympang Club Iongshiwiat bad ka Modop SC ki la khur jingjop ha ka sngi Balang ha madan Multi Sports Complex, Wahïajer.
Ha ka jingïalehkai kaba nyngkong hadpeng ka Niriang SC bad Unity Phlongingkhaw ki la ïakhaid mar 1-1 kol. Ka Niriang ka la pynkhih jar nyngkong eh lyngba u Chanbok Muruh ha ka minit kaba 34, hynrei ka Unity Phlongingkhaw ka la pynphai kylla lyngba u Philemon Suting (65).
Ha ka jingïalehkai kaba bud, ka Tympang Club Iongshiwiat ka la pynliem noh ïa ka Momer SC da 3-0 kol. U Daunibiang Lyngdoh u la thep ar kol ha ka minit kaba 25 & 50 lem bad kawei da u Chibor Phawa (67).
Haba phai sha kawei pat ka jingïalehkai, ka Modop SC ka la pynliem ïa ka Hunlang FC Lumkynter da 1-0 kol bad ïa kane la thep da u Phrangsngi Law ha ka minit kaba 24.
