Shillong, Nailar 26
Ka shlem ai jinghikai jong ka 4 For All Football Academy, Shillong ka la pynbna ïa ka jingleit shim bynta ha ka Federation Cup 2026 ban pynïaid da ka Futsal Association of India, ka ban long ha Nashik, Maharashtra nadu 28 haduh 31 tarik mynta u bnai.
Kane ka long ka long u mawjam ha ka jingïaid lynti kane ka shlem ai jinghikai bad na ka bynta ka Jylla ban leit shim bynta ha ka sien kaba nyngkong eh sha katei ka lympung ïalehkai futsal.
Te kumta kane ka klob ka la sei ïa ka kynhun ïalehkai U-12 ki khynnah shunrang ban mihkhmat ïa ka Jylla ha katei ka lympung bad hajuh ka por ka long ruh kum ka jingplie ïa ki khynnah ba kin ïoh ka lad ban leit shim bynta ha kylleng jong ka ri.
Ïa kane ka kynhun yn ïalam da u coach u Bah Hakimanbha Passah, u ban pynkhrehm ban ïalam bad ban pynïaid ïa kane ka kynhun haduh ban da kut katei ka lympung.
