Shillong, Nailar 26
Ka Umrynjah SC ka la pynliem noh ïa ka Sohïong SC da 2-0 kol na ka bynta ban khur jingjop ha ka lympung ïalehkai Second Division Football League 2026 ba la pynïaid da ka Shillong Sports Association ha ka sngi Balang.
Ha kane ka jingïakhun kaba la long ha SSA Stadium Polo, ki rangïalehkai ka Umrynjah ki la la pyrshang ban ïalehkai bha naduh kaba sdang ha kaba ki la ïoh ban thep mar shi kol ha ka kylla step bad kylla miet. Ïa kine la thep da u Mihsalan Kharjana ha ka minit kaba 20 bad u Kitboklang L Marshillong (77).
Haba phai sha kawei pat ka jingïalehkai kaba la long kham hashwa hapdeng ka Sohryngkham SC bad ka Jongksha SC ki la ïakhaid mar 1-1 kol.
Ka Jongksha ka la pynkhih jar nyngkong eh lyngba u Babiang Umsong ha ka minit kaba 44, hynrei ka Sohryngkham ka la lah ban pynphai kylla ha ka kylla miet lyngba u Balatei Kharpran (64).
Ka jingïalehkai ha ka sngi Palei kan long hapdeng ka Tynring SC pyrshah ïa ka Lawsohtun SC ha ka por 12:30 mynsngi ha SSA Stadium katba ka Lumshyiap ïa ka Nongrah ha ka por 1 baje mynsngi ha madan MFA.
