Khliehriat, Nailar 26
Ka Cham Cham SCSC bad ka Borghat SCSC ki la jam sha ka quarter final ha ka lympung ïalehkai 3rd Division ba la pynïaid da ka East Jaiñtia Hills District Football Association, hadien ba ki la khur jingjop ha ka sngi Balang.
Baroh ar tylli ki jingïakhun ki la poi shaduh ka jingïashut tie-breaker hadien ba kim shym la lah ban thep kol haduh kaba kut ka jingïalehkai.
Ha kane ka jingïalehkai kaba la long ha madan artificial turf Diengshynrum kaba ha Khliehriat, ka Cham Cham ka la pynliem noh ïa ka Youngstar SSC Huroi da 4-3 kol bad ka Borghat SCSC ka la jop da 4-1 kol ïa ka Umkiang Maya Club.
