Nongstoiñ, Nailar 26
Ka West Khasi Hills District Badminton Association (WKHDBA) hapoh ka jingpynïaid jong ka Meghalaya State Badminton Association, ha ka sngi Balang ka la plie ïa ka lympung ïalehkai 41st Meghalaya State Badminton Championship 2026 ha Indoor Stadium Nongstoiñ bad la wan shim bynta shitrhem da ki nongïalehkai na ki 10 tylli ki district jong ka Jylla bad ka Young Talent Badminton Club na Mawlai Mawdatbaki.
Haba phai sha katei ka sngi plie ïa kane ka lympung, ka la long shisha kaba i shong khun lyngba ka jingdonlang ki 245 ngut ki nongïalehkai ba kynthup ïa 182 ngut ki shynrang, 63 ngut ki kynthei kiba na kitei ki district.
Ïa kane ka lymnpung la plie da ka Deputy Commissioner ka West Khasi Hills, ka Hema Nayak, (IAS) kum ka kongsan ha ka jingdonlang ruh u Bah T.Diengngan, President ka WKHDBA, ka Kong Balarina Syiem (DSO) WKH , bad kiwei kiwei.
