Shillong, Nailar 27
Ka lympung ïalehkai 2nd Divi-sion Football League 2026 ba la pynïaid da ka Shillong Sports Association ka la nangjam shaphrang ha kaba ka Tynring SC bad ka Nongrah SC ki la khur jingjop ha ka sngi Palei ha madan Polo.
Ha ka jingïakhun kaba la long ha SSA Stadium, ka Tynring SC ka la pynliem noh ïa ka Law-sohtun SC da 3-2 kol.
U Nelsonroy Mynsong u la thep ar kol na ka bynta ka Tynring ha ka minit kaba 29 & 58 bad ïa kawei pat la thep kham hashwa da u Biangdor Khyriem (27). Katba na ka liang ka Lawsohtun ka la lah ban pynphai kylla ar kol hashwa ban wai lyngba u Firstmoon Kharkongor (78) bad u Damitre Kynting (89).
Haba phai sha kawei pat ka jingïakhun ha madan MFA, ka Lumshyiap SC ka la shah rem noh da 2-3 kol ha ka Nongrah.
Tang mar ïasdang ka jingïalehkai ka Nongrah ka la pynkhih jar nyngkong eh lyngba u Kerionald Pyngrope ha ka minit kaba nyngkong, hynrei tang hadien shi minit ka Lumshyiap ka la pynïakhaid kylla lyngba u Mihlang Myn-song.
Hadien katto katne por ka Nongrah ka la ïoh ban thep kol biang lyngba u Nathaniel Syiemïong (39) bad kawei pat ha ka kylla miet lyngba u Mebanjop Kharpor (59). Hashwa ban wai ka Lumshyiap ka la pynphai kylla shi kol lyngba u Lovingstar Kharsyntiew (87) bad ha kaba kut ka mad ïa ka jingshah rem.
