Jowai, Nailar 27
Ka Tyllilang SC ka la khur jingjop ha ka lympung ïalehkai 2nd Divi-sion ba la pynïaid da ka Thadlaskeiñ Sports Asso-ciation (TSA), hadien ba ka la pynliem noh ïa ka Mainroad SC Wahïajer da 3-2 kol ha ka sngi Palei ha Multi Sports Complex Wahïajer.
Ha ka jingïakhun ka Tyllilang ka la pynkhih jar nyngkong eh ha ka minit kaba 3 lyngba u Wadshwa Shylla, hynrei ka Main-road SC Wahïajer ka la pynphai kylla lyngba u Heihok Dkhar (12).
Ka Tyllilang ka la ïoh ban thep kol biang lyngba u Finely Rumut (21), hynrei tang hadien ar minit ka Mainroad ka la pynïakhai d kylla lyngba u Chilang Laloo. Hadien katto katne por ba la bteng ïa ka kylla miet ka Tyllilang ka la thep biang sa shi kol lyngba u Tireles Rumut (54) bad ka la khur syndon ïa ka jingjop.
Ha kawei ka jingïaleh-kai hapdeng ka Thadmu-sem SC bad ka Myng-krem United ki la kut ha ka jingïakhaid hadien ba kim shym la lah ban thep kol.
Haba phai sha kawei pat ka jingïakhun hadpeng ka Madur SC bad ka Lad Mukhla ki la ïakhaid mar 1-1 kol. Ka Madur ka la pynkhih jar nyngkong lyngba u Wanbait Phawa (52), hynrei ïa ka Lad Mukhla la thep da u Wadshwa Rymbai.
