Nongpoh, Nailar 28
Kum shibynta ha ka jingrakhe ïa ka National Sports Day ne ka sngi jong ki jingïalehkai ha ka Ri baroh kawei, kaba long ruh ka lyngkhuh sngi kha jong u Major Dhyan Chand, ka Mera Yuva Bharat Ri-Bhoi, Ri-Bhoi College bad ka University of Science & Technology (USTM) Meghalaya ki la ïasoh lang ha ka Khelo India Dialogue (Yuva Samvaad) ‘Khel Ki Baat PM Modi ke Saath’ kaba la long ha ka 27 tarik u Nailar 2026 kaba la long ruh ha kylleng ki 1600 tylli ki jaka ha kylleng ki Distrik jong ka Ri, da kaba pynïasoh lang ïa ki nongïalehkai, ki samla pule bad ki samla ha kawei ka rynsan na ka bynta ka jingïakren kaba sngewtynnad kaba pynleit jingmut ha ka jingdonkam jong ka jingïalehkai bad ka jingïashim bynta jong ki samla.
Ka jingkren kaba kyrpang jong kane ka prokram ka long ka jingkren lyngba ka virtual da u Myntri Rangbahduh ka Ri u Narendra Modi uba la kdew ba ka Khelo India Samvaad ka long kham palat ban ïa ka jingïakren halor ki jingïalehkai, ba ka dei ka rynsan ha kaba ki jingmut jingpyrkhat jong ki samla ki lah ban pynwan dur ïa ki jingthmu ïalehkai jong ka ri India bad ban noh synñiang sha ka jingthmu jong ka Viksit Bharat bad la pynpaw ruh ïa ka bynta jong ka jingvalehkai ha kaba pynjngai va ki samla na ki jingdih buaid ha ki drok bad kiwei de ki jingdih buaid.
Ha kane ka jingïalang jong ka Ri Bhoi College la wan ban ïashimbynta da u Bah Matthew Kenneth Makdoh, u MDC Nongpoh ba donburom kum u Kongsan bad Dr E Kharkongor kum u Kongsan badonburom, ha kaba la ai jingkren ai mynsiem na ki nongïalehkai ka Kong Mercia Dohling bad u Bah Johny Nongrum kiba la ïasam ïa ka jingshem jong ki bad ki la ai mynsiem ïa ki samla ban ïashim bynta shitrhem ha ki kam ïalehkai bad ban bteng ïa ka jingangnud jong ki ha ka kam ïalehkai, bad ka Nasha Mukh Yuva Bharat Pledge da ka Kong Y.V. Syiemlieh, NSS PO jong ka Ri Bhoi College ha kaba la don palat 150 ngut ki nongiashim bynta.
Ha ka USTM Yuva Samvaad la wan ïashim bynta da u Dr Sondeep Hanse, Chief Functionary State Level Co-ordination Agency (SLCA) Assam & Meghalaya, MOSJE, GoI kum u Kongsan uba la pynïaid ïa ka Nasha Mukh Yuva for Viksit Bharat Pledge ha kaba la don palat 200 ngut ki nongïashim bynta. Ki nongïalehkai u Jeremiah D Sangma bad u Prof Mipun Sharma, President barim ka Lacrosse Association India ki la ai ïa ka jingïakren kaba sngewtynnad bad kaba shongshit bad ki samla kiba la don ha katei ka sngi. Baroh ar tylli ki prokram la pynkut noh da ka jingrwai iï ka Jingrwai Ri (National Anthem).
