Shillong, Nailar 28
Ka lympung SSA 2nd Division Football league 2026 ha ka 28 Nailar 2026 ka la bteng da ka jingïalehkai kaba la long ha ka por 12:30 mynsngi ha madan SSA Ground No.1 ha ka jingïakhun hapdeng ka Mawpat SC pyrshah ïa ka Marbisu SC.
Ka Mawpat SC ka la pynliem noh da 5-1 kol ïa ka Marbisu SC. Ïa ki kol ka Mawpat SC la thep da u Synroplang Sawkmie ha ka por 25 minit, 47 & 66 bad shi kol lyngba u Stevenson Cassius Nongphlang ha ka por 70 minit bad shi kol u Reform Pale ha ka 84 minit.
Katba ka shi kol ka Marbisu SC la ïoh ban thep da u Menangtei Kharsahnoh ha ka por 89 minit.
Ha kawei pat ka jingïalehkai kaba la long ha ka por 1baje mynsngi ha madan MFA ka la long hapdeng ka Madan S&CC pyrshah ïa ka PFR FA ha kaba la kut noh da ka jingïakhaid 3-3 kol.
Ki kol ka Madan S&CC la thep da u Wankmen Lyngdoh 6 minit, u Daiaki Shadap 8 minit bad u Aruju L Marshillong 65 minit. Ktba ki lai tylli ki kol ka PFR FA la thep da u Pynshngain Mujai 31, Peter Lamare 75 bad u Banjiedlang Khongsit 80.
Ha ka 29 Nailar 2026 ka SSA 2nd Division Football league 2026 kan bteng da ka jingïalehkai hapdneg ka Mawkriah West SC pyrshah ïa ka Mawryngkneng SC ha ka por 12:30 mynsngi ha madan SSA Ground No.1 bad ha ka por 3baje janmiet ka Umlyngka SC kan ïakhun pyrshah ïa ka Umphrup SC.
