Shillong, Nailar 28
Ka lympung Shillong Premiere League ka ba dang bteng man la ka sngi da ki jingïalehkai ha kane ka sngi Thohdieng 28 tarik Nailar 2026 ka la hap ban pynsangeh noh namar ka jingjur jong u slap ryngkat u pyrthat bad ka leilieh, te kum na bynta ka jingshngaiñ na bynta ki nongïalehkai kane ka lympung ïalehkai kaba mynta ka sngi kaba don da ka jingïakhun jong ka Laitkor pyrshah ïa ka Langsning ka la hap ban sangeh noh.
La pynkynriah noh ïa kane ka jingïalehkai sha ka 2 tarik Nailur 2026 ha ka por 1baje mynsngi ha kaba la pyntip da u Bah Freddy Kharpran uba long kum u Match Commissioner.
Te ha kawei pat ka jingïalehkai jong kane ka juh ka lympung kan bteng ha ka Lah Sngi U Blei 31 tarik Nailar 2026 ha ka por 3:40 janmiet hapdeng ka Nangkiew Irat pyrshah ïa ka Mylliem ha madan SSA. Ka Nangkiew Irat kaba don ha ka kyrdan kaba san ryngkat 4 poiñ katba ka Mylliem kaba dang don sha trai ha ka miej ïakheiñ poiñ.
