Jowai, Nailar 28
Kum shibynta jong ka jingrakhe ïa ka jingdap 125 snem, ka Tympang Club Jowai-Sports & Youth Affairs Committee kan pynlong ïa ka 7 A-Side, Quasquicentennial Trophy Football Tourna-ment 2026, ka ban sdang naduh ka 1 tarik haduh ka 30 tarik u Nailur mynta u snem.
Te kumta kane ka klob ka la wer ïa ki riew ïeid phutbol, kumjuh ruh ïa ki klob ba kin wan ban ïashim bynta ha kane ka lympung.
Ïa kane ka lympung yn pynlong ha madan Tympang Club Ïawmusiang Jowai bad ki khusnam kin long da ka song pisa kaba T. 50,000/- ïa ka kynhun kaba jop ha ka phainal bad kaba shah rem kan ïoh T.25,000/-. Kin don ruh ki khusnam kiba kyrpang na ka bynta ki nongïalehkai kiba ïoh ïa ka nam Top Scorer, Best Goalkeeper, Best Player bad Emerging Player. Ka tarik kaba khatduh ban pynrung kyrteng ïa ki kynhun kan long ha ka 28 tarik mynta u bnai. Ki klob ki lah ban pynrung kyrteng tang 10 ngut ki rangïalehkai bad ïa ka jingtip ba kham bniah ki lah ban phone ha ki number 8974593894.
