Shillong, Nailar 28
Ka All Meghalaya Karate-Do Association (AMKA) ka sngew sarong ban pynbna ba u Gideon Tympuin u la shah jied ban mihkhmat ïa ka Ri India ha ka kyrdan U-21 jong ki shynrang ha ka AKF24 Cadet, Junior & U-21 Karate Championships 2026, ka ban long ha Amman1 Jordan, naduh ka 06 haduh 11 tarik Nailur 2026.
U Gideon u la ïoh ïa ka jingshah jied jong u kadei hadien ka jingïalehkai kaba u la ïoh ban khur ïa ka takma ksiar ha ka lympung ïalehkai karate kaba 5 jong ka KIO Senior & U-21 National Karate Championship 2026, kaba la long ha Talkatora Indoor Stadium, New Delhi, naduh ka 26 tarik u Rymphang haduh ka 1 tarik u Lber 2026.
Haba bynrap ïa ki jingjop jong u dang shen, u Gideon u la ïoh ruh ban khur ïa ka takma rnong ha ka lympung ïalehkai Karate ba 10th Cadet, Junior, U-21 bad Senior 2026, kaba la long ha Dhaka, Bangladesh, naduh ka 15 haduh ka 19 tarik Naitung 2026.
Ka jingshah jied jong u sha ka kynhun ïalehkai jong ka ri India ka dei kaei-kaei kaba sngew sarong bad kaba donkam bha ïa ka Meghalaya bad ïa ka kynhun lehkai karate jong ka Jylla hi baroh kawei. Ka All Meghalaya Karate-Do Association ka ai khublei ïa u Gideon halor kine ki jingjop ba phylla jong u bad ka kitbok kitrwiang ïa u ba un nang mihkhmat ïa ka jaidbynriew ha ki jingïakhun ha ki rynsan kylleng ka pyrthei.
U Gideon un mih ban leit sha Jordan ha ka 4 tarik Nailur 2026. Ka Seng (Association) ka ai ka jingkitbok kitrwiang ba un lah ban ïoh ïa ka jingjop kum u lahduh bad kyrmen ba un dang lah ban wanrah shuh shuh ia ka burom ïa ka jylla Meghalaya bad India lyngba ka jinglah ban ïalehkai bha jong u.
