Jowai, Nailar 30
Ka Lumkynsaw SC bad ka Namdong-A Christian Club ki la khur jingjop ha ka lympung ïalehkai 2nd Division Football Tournament ba la pynïaid da ka Thadlaskeiñ Sports Association (TSA).
Ha ka jingïalehkai kaba la long ha madan Multi Sports Complex ha ka sngi Saitjaiñ, ka Lumkynsaw SC ka la pynliem noh ïa ka Mukhla Veterans da 4-2 kol.
Ïa ki kol ka jong ka Lumkynsaw la thep da u Armanmiki Lamare (38), Chanbor Pala (44), bad u Hame Suting (47 & 70), katba na ka Mukhla Veterans la thep da u Armystar Pale (13 & 51).
Ha ka jingïalehkai kaba bud, ka Namdong-A Christian Club ka la pynliem noh ïa ka Myntoilang FC Bamkamar da 1-0 kol bad kane ka wan lyngba u Wanpor Myria, uba la thep ha ka moinit kaba 5.
Ka jingïalehkai ha ka lah sngi U Blei ha ka por 10 baje mynstep kan long hadpeng ka Mukhla Mission bad ka Lummuriap SC, ha ka por 12 baje mynsngi ka Maitchaphrang SC ïa ka Rising Sun Kdiap SC bad ha ka por 2 baje nohphai sngi ka Mukhla Wahchnong ïa ka Laru SC.
