Shillong, Nailar 30
Ka Umlyngka SC ka la pynjem khnap ïa ka Umphrup SC da 11-1 kol na ka bynta ban khur jingjop ha ka SSA Second Division Football League 2026 ha ka sngi Saitjaiñ bad ka la ïoh ban lamkhmat ha ka Group-B.
U Hamlet Thabah u la khyrwit da ar tylli ki hat-trick hadien ba u la ïoh ban thep kol ha ka minit kaba 19, 36, 53, 58, 70 & 72. Ïa ki ar kol la thep da u J Andy Wilson Nongkhlaw (55 & 83), katba ïa ki shi kol la thep da u Nichelson Lyngkhoi (2), Tirotbornson Kharbangar (74) bad u Hunkupar Wanniang (90+1). Na ka liang ka Umphrup ka la pynphai kylla shi kol lyngba u Nangkhraw Kharumnuid (88) hashwa ba kan mad ïa ka jingshah rem.
Ha kawei pat ka jingïalehkai, ka Mawryngkneng SC ka la pynliem noh ïa ka Mawkriah West SC lyngba ka shi kol ba la thep da u Ïalambha Pyngrope ha ka minit kaba 86.
Te kumta ka Umlyngka (12 poiñ) ka la ïoh rung sha ka quarter final, katba ka Mawryngkneng kaba la wan ha ka kyrdan ba-ar bad 10 poiñ, ka lah ban duh noh ïa kaneka kyrdan namar ka Nongmensong (7 poiñ) kan ïakynduh pyrshah ïa ka Smit (6 poiñ) ha ka lah sngi U Blei. Kin don tang ar tylli ki kynhun na kawei pa kawei ka group ki ban ïoh rung sha ka quarter final.
