Shillong, Nailar 31
U Lionel Messi, u la pynbna ban shongthait noh na ka jingïalehkai phutbol bar ri, kaba la pynkut noh shi syndon ïa ka jingïaid lynti kaba 20 snem jong u na ka bynta ka kynhun ïalehkai ka Argentina.
Kane ka long ka rai kaba sngewsih kthang na ka bynta jong u namar dangshen une u khlur ïalehkai u la duh noh ïa u kpa jong u bad ruh ka Argentina ka la shah rem noh ha ka final jong ka FIFA World Cup 2026 ha ka Spain.
U Messi u la pynthikna ïa kane ka rai jong u ha ryngkat ka jingsngewsih, da kaba ong ba u la pynlut por bun sien ban pyrkhat ïa ka lawei jong u naduh ka jingïalehkai phainal ba khatduh jong ka Argentina. U la ong ba katei ka rai ka long kaba pynpang mynsiem, hynrei u la sngew ba ka por ka la dei ban shongthait noh.
“Hadien kane ka por baroh naduh ka jingïakhun phainal, bad hadien ba nga la pyrkhat bha, nga kwah ban ïathuh sha baroh ba nga la shongthait noh na ka kynhun ïalehkai ka ri.”
“Ka la long ka rai kaba pynpang ïa ka mynsiem jong nga, hynrei nga sngewthuh ba kane ka dei ka por kaba biang eh na ka bynta jong nga.”
“Nga smai ba nga la aiti lut, ym tang ha kine ki khyndiat snem ba la dep haba ngi la jop ha baroh, hynrei shwa ïa kata ruh. Nga ju ïakhun bad aiti lut met bad mynsiem na ka bynta ka ri, ban wanrah ka jingkmen ïa phi baroh bad ban pynlong ka jingsngew ïa ki nongkyrsnan ka Argentina lyngba ka phutbol.”
“Ngam don eiei shuh ban ai,” la bynrap u Messi da kaba pynpaw ba u sngewthuh ba ka por ïalehkai ka jong u bad ka Argentina ka la poi sha kaba kut.
“Ka jingïaid lynti ka jong nga ka la poi sha kaba kut. Kane ka dei kawei kaba pynsngewsih shibun eh ïa nga. Hynrei nga sngwkmen eh ban long shi bynta jong ka kynhun ïalehkai ka ri.”
Utei u khlur ïalehkai ba 39 snem ka rta u la ai khublei ruh ïa ki nongkyrshan jong ka Argentina kiba la kyrshan ïa u ha baroh arphew snem ba u la ïalehkai bad ka kynhun ïalehkai ka ri, da kaba ong ba mynta un kyrshan ïa ka kynhun na shabar.
“Khublei shibun eh na ka bynta ka jingïeit jong phi ha kine ki 20 snem. Ngan ym ïohsngew shuh ïa phi ki nongkyrshan na ka bynta jong nga. Mynta ngan long uwei na phi, u ban kyrshan na shabar, la ka long ha ki por kiba kmen bad khamtam ha ki por kiba sngewsih.”
U Messi u la ai khublei ruh ïa kiba haïing hasem jong u, ki coach, ki paralok bad ki director kiba la synran ïa u ha baroh shilynter ki jingïalehkai jong u shabar ri.
“Nga ai khublei ïa kiba haïing hasem jong nga kiba la don ryngkat bad nga ha kane ka jingïaid lynti kaba eh ka jong nga. Ka jingkhublei ka leit sha uwei pa uwei u coach, u paralok bad u director uba nga la ïoh lad ban pynpaw ïa kane ka rai ka jong nga. Ngan rah ryngkat bad nga ïa ki jingkynmaw bad ki por ki bym lah ban klet ha ka jingim jong nga.”
“Ha ka jingshisha u Messi u la pynpaw ba u la thoh ïa ka shithi naduh ka 21 tarik u Naitung, ar sngi shwa ka jingïalehkai phainal, hynrei u la ong ba ki jingjia kiba ïadei bad u kpa jong u ki la pynskhem ïa kane ka rai.
Lah ban kdew hapoh ka jingïalam u Messi, ka Argentina ka la rah ïa ka nam lahduh ha ka FIFA World Cup 2022 hadien ba ka la jop ïa ka France lyngba ka tie-breaker.
