Shillong, Nailur 01
Ka Meghalaya Football Association kan pynlong ïa ka prokram jied khynnah ïalehkai na ka bynta ban mihkhmat ïa ka kynhun ïalehkai Sub-Junior Boys ka ban mihkhmat ïa ka ri India ha ka National Football Championship (NFC).
Kumta kane ka synjuk ka la kyntu ïa baroh ki synjuk ïalehkai kiba don ha kylleng ki district ba kin phah ïa ki khynnah sha katei ka jingpyrshang (trials), kaba la thmu ban pynlong ha ka 5 tarik mynta u bnai madan MFA, Polo bad ki khynnah ki dei ban wan ai jingtip ha ka por 11 baje mynstep.
Kat kum ka kyrwoh ba la pyllait da ka MFA, la ong ba ki khynnah ki ban long kiba la kha hapdeng ka 1 tarik u Kyllalyngkot 2013 bad 31 tarik u Nohprah 2014. Ka long kaba kongsan ba baroh ki khynnah ki dei ban wanrah lang ïa ki kot ki sla ki ban pynshisha ïa ka snem kha kata ka syrnod sngi kha, Aadhaar card, CRS ID bad ka DigiLocker kaba dangtreikam, ha ka sngi ba ki wan sha ka jingpyrshang.
La bthah ba ki synjuk ki dei ban jied lypa ïa ki khynnah sha ka MFA ha lane shwa ka 3 tarik mynta u bnai.
