Khliehriat, Nailur 02
Ka Cham Cham SCSC bad Moolamanoh SC ki la jam sha ka semi final jong ka 3rd bad 2nd Division Football Tournament ba la pynïaid da ka East Jaiñtia Hills District Football Association (EJHDFA), hadien ba ki la khur jingjop ha ka sngi Balang.
Ha ka jingïalehkai quarter final jong ka Third Division kaba la long ha madan Diengshynrum ha Khliehriat, ka Cham Cham SCSC ka la pynliem noh ïa ka Youth SC Pyrtakuna lyngba ka tie-breaker da 4-3 kol.
Katba ha ka jingïalehkai jong ka 2nd Division, ka Moolamanoh SC ka la jop da 2-0 kol ïa ka Suchen Lumiarain SC. Ïa kine la thep da u Jespar Dkhar (15) bad Ambition Dkhar (77).
Lyngba kane ka jinglah ban ïalehkai bha ka Cham Cham ka la kiew kyrdan sha ka 2nd Division, katba ka Moola-manoh SC ka la kiew sha ka 1st Division ha kaba kin ïoh ban shim bynta ha ka aïom ka ban wan.
