Shillong, Nailur 06
Ka Beast Life Fitness ha ka jingïatreilang bad ka Meghalaya Powerlifting Fitness Association, ha ka sngi Saitjaiñ ka sngi ka la pynlong ïa ka Deadlift Championship 2026 ha kaba la wan shim bynta da 50 ngut ki rang bad ki ‘thei rah nar na ka nongbah.
Haba ïakren bad u Bah Robinsor Kharnari, Treasurer Meghalaya Powelifting Fitness Association u ka pynpaw ïa ka jingsngewkmen ban sakhi ïa kane ka sngi ha kaba ki rang bad ki ‘thei rah nar ki la wan ïashim bynta shitrhem.
U la ong ba ka jingtrei shitom ka dei kawei na ki lad ban kyntiew shaphrang, la ka dei ha kano kano ka kam ruh.
Shuh shuh ula ïathuh ba ki nongjop ha kane ka jingïakop, kin ïoh ka lad ban shah jied na ka bynta ban leit shim bynta ha ki rynsan bapher bapher la ka long hapoh ka ri ne wat shabar ri ruh kumjuh.
Ha kane ka sngi la ïa don lang ruh u Myntri Kharlukhi, u Officer incharge ka Jhalupara Out Post, u Rangbah Shnong ka Mawbah, ki dkhot nongkitkam jong katei ka synjuk bad kiwei kiba la shah khot sngewbha.
