Shillong, Nailur 06
Ki khlur ïalehkai badminton ka ri India, u Satwiksairaj Rankireddy bad u Chirag Shetty ki la lah ban pynpaw ïa ka jingtbit na ka bynta ban pynliem ïa ki shijur na China, u He Ji Ting bd u Ren Xiang Yu ha ka jingïalehkai doubles na ka bynta ban khur ïa ka nam lahduh ha ka China Masters Super 750 ha ka sngi U Blei ha Shenzhen.
Ha kane ka jingïakhun final, u Satwik and Chirag, kiba la wan ba-ar ha u 2023 bad 2025, ki la ïakhun tyngeh na ka bynta ban khur jingjop da 11-21, 21-13, 21-17 pyrshah ïa u He bad u Ren kiba la bat ï aka kyrdan basaw ha ka pyrthei, ha ka jingïakhun kaba la neh shi kynta bad 10 minit.
Kane ka long ka jingjop kaba ar ha kane ka aïom na ka bynta ki nongïalehkai jong ka ri India, kiba la jop ha ka Singapore Open Super 750 bad ki la rung final ruh ha ka Thailand Open Super 500.
Kane ka jingjop ka la long ka jingïarap ban nangkyntiew ïa kine ki rangïalehkai kiba don ha ka kyrdan ba san ha ka pyrthei bad mynta ka kynri kin pynkhreh ban khur ïa ka takma ksiar ha ka Asian Games ka ban long ha Japan naduh 19 tarik mynta u bnai.
