Shillong, Nailur 09
Ka Mawpat, Smit, Sohryngkham bad ka Mawryng-kneng SC ki la jam sha ka semi final ha ka lympung ïalehkai 2nd Division Football League 2026 ba la pynïaid da ka Shillong Sports Association (SSA) hadien ba ki la lah ban khur jingjop ha ki jingïalehkai quarter final.
Te kumta ka Mawpat bad ka Smit kin ïakynduh semi final ha ka 14 tarik, katba ka Sohryngkham ïa ka Mawryngkneng ha ka 15 tarik na ka bynta ban ïaknieh rung final kaba la thmu ban long ha ka 19 tarik mynta u bnai.
Lah ban kdew ha ka jingïalehkai quarter final ba khatduh kaba la long ha ka sngi Ba-ar, ka Mawryngkneng ka la pynliem noh ïa ka Madan S&CC lyngba ka tie-breaker da 4-3 kol hadien ba kine ki kynhun ki la ïakhaid mar shi kol haduh kaba kut ki 90 minit.
