Jowai, Nailur 09
Ka lympung ïalehkai 2nd Division ba la pynïaid da ka Thadlaskeiñ Sports Association ka la nangjam shaphrang, ha kaba ka Bamkamar Myntoilang FC ka la pynliem noh ïa ka Lumkynter FC da 3-2 kol ha ka sngi Balang ha Multi Sports Complex Wahïajer.
Ïa ki kol ka Bamkamar Myntoilang la thep da u Isaiah Suting ha ka minit kaba 29, kumjuh u Batskhem Suting (51) bad u Armiki Suting (61). Katba ïa ka Lumkynter la thep da u Plilad Dkhar (13) bad u Tesmi Lyngdoh (33).
Ha ka jingïalehkai kaba bud, hapdeng ka Mynkrem SC bad Lummuriap SC ki la ïakhaid mar 1-1 kol. ka Mynkrem ka la pynkhih jar nyngkong lyngba u Rostar Khynriam (26), hynrei ka Lummuriap ka la pynphai kylla lyngba u Overcome Nongrum (47).
Haba phai sha kawei pat ka jingïalehkai hapdeng ka Moodymmai SC bad Madur ruh ka la ïakhaid mar 2-2 kol. Ïa ki kol jong ka Madur SC la thep da u Philamon Nongpluh (9) bad u Max Laloo (14). Hynrei ka Madur ka la pynphai kylla da u Tyllilang Phawa (21 & 34).
